მობილურ ტელეფონებში, ელექტრონულ ფოსტებში, ფორუმებსა თუ მესინჯერებში ღიმილაკებისთვის სპეციალური განყოფილება არსებობს; მათ აქტიურად იყენებენ მომხმარებლები. ჩვენ გამოვკითხეთ სხვადსხვა ასაკის ადამიანები და გავარკვიეთ, რომ ახალგაზრდები ძირითადად ფერად, არასტანდარტულ ღიმილაკებს ირჩევენ. უფროსი თაობის წარმომადგენლები კი დროის ეკონომიის მიზნით არ ააქტიურებენ "მენიუში" ღიმილაკების სპეციალურ ბრძანებებს და ორწერტილისა და ფრჩხილისგან შექმნილ “სიცილაკს” ანიჭებენ უპირატესობას.

ღიმილაკები მარტო სევდას, ან ღიმილს არ გამოხატავენ. მაგალითად,

;-) - თვალის ჩაკვრას;

:-0 - გაოცებას;

ხშირია ცნობილ ადამიანთა თუ პერსონაჟთა სახე-სიმბოლოებიც, მაგალითად:

:-.) - მერლინ მონრო – (მისი ცნობილი ხალი ტუჩის კუთხეში)

CI:-= - ჩარლი ჩაპლინი – CI - შლაპას აღნიშნავს და ა.შ.

ზოგი სიმბოლო მთელ წინადადებას ან გამონათქვამს გამოხატავს:

:-$ - ფულს კბილები მოუჭირე;

:-Y - ცალყბად მეღიმება;

ე.წ. ღიმილაკები" / "ხატულები" აშკარად იფართოებს გამოყენების ველს: მოსახერხებელია ისინი განწყობის გამოსახატავად, წერა უფრო ეკონომიურადაა შესაძლებელი, ნაწერსაც მეტი ექსპრესია ახლავს...