ქართული ფორუმების ენაში ინგლისური ტერმინები ქართული ფონეტიკისა და მორფოლოგიური ყალიბების გათვალისწინებით ფორმდება; მაგალითად,
1. ინგლისური ზმნა To log out"სისტემიდან გამოსვლა", ქართულში სახელობით ბრუნვაში მდგარი არსებითი სახელით გადმოდის: "ლოგაუთი".
2. ინგლისური ზმნა To sit down ქართული ზმნის ფუძე ხდება: "დავსითდაუნდეეთ" (იხ.:"გოგჩოების" ლექსიკონი - www.teen.ge)
3. ინგლისური წინადადება Speak to me"დამელაპარაკე" ქართული ანბანით
გადაწერილი გვხვდება: სფიქ 2 მი, სადაც ორიანი ინგლისურში მიმართულების to
-წინდებულის შესატყვისია, ვინაიდან ორის ინგლისური წარმოთქმა to
-წინდებულისას წააგავს. მსგავსი მაგალითები უხვად გვხვდება ინგლისურ
ფორუმებზეც და ისინი აკრონიმების სახელწოდებითაა ცნობილი: 4U= For You
"შენთვის", AFAIK - As far as I know "როგორც ვიცი", "რამდენადაც ჩემთვის
ცნობილია" და სხვ...
შდრ., მოკლე ტექსტური შეტყობინებების, ე.წ.
"მესიჯების" ენისთვის დამახასიათებელი რამდენიმე ქართული აბრევიატურა:
"მსჯ" - "მესიჯი", "გკ" - "გკოცნი", "პკ" - (<<"пока") "დროებით",
შდრ, მაგალითები: "შენი მსჯ არ მომსვლია", "კარგი, გკ პკ"
4. ზმნათა წარმოებისას მომხმარებელთა უმრავლესობა მოქმედებითი გვარის, ორპირიანი გარდამავალი ზმნის ყალიბს იყენებს, მაგ.:
"ვ-ა-ლოგაუთ-ებ" )(მოქმედებითი გვარი, აწმყოს მწკრივით გამოხატული მოქმედება),
"და-ვ-ა-შათდაუნ-ე" (მოქმედებითი გვარი, წყვეტილის მწკრივით გამოხატული მოქმედება),
"და-მ-ი-ლინკ-ე" (მოქმედებითი გვარი,ობიექტური წყობა, მწკრივი: მეორე ბრძანებითი, დრო მომავალი),
"ვ-ლოგაუთ-დ-ებ-ი" (-დ სუფიქსიანი ვნებითი, აწმყოს მწკრივით გამოხატული მოქმედება)...
უნდა აღინიშნოს, რომ ინგლისური სიტყვების log out, netiquette, netდა
ა.შ.) დამკვიდრება საინტერნეტო ქართულში შესაბამისი ტერმინოლოგიის
არარსებობამ განაპირობა. აქვე დგება მომავალში ინგლისურის, როგორც
უნივერსალური ენის სტატუსის საკითხიც. ვფიქრობთ, მანქანური თარგმანები
გარკვეულწილად შეამცირებს ქართული ენის წინაშე მდგარ საფრთხეს.
აღსანიშნავია ისიც, რომ "ღიმილაკს"/"ხატულებს" ძირითადად იყენებს
კომუნიკაციაში მონაწილე პირი საკუთარი ემოციის გადმოსაცემად, პირველი
პერსონალური პირი ხშირად
რ ე ფ ლ ე ქ ს ი ვ ი ა- სუბიექტის მოქმედება საკუთარ თავს მიემართება 
(emo) (თავზე ხელს გადაისვამს - გაიპრანჭება), ზოგჯერ, საუბარი მიემართება
მეორე პირსაც (F) (ყვავილს მოგართმევა), ფორუმების ენასა თუ ხელნაწერ
წერილებში მესამე პირის ემოცია, ჯერ-ჯერობით, არ გადმოიცემა 
.
